Cofnodion - Y Pwyllgor Busnes

Lleoliad:

Ystafell Gynhadledd 4B - Tŷ Hywel

Dyddiad: Dydd Mawrth, 7 Hydref 2025

Amser: 08.59 - 09.34

Preifat, Hybrid

------

Yn bresennol

Categori	Enwau
Aelodau’r Pwyllgor:	Elin Jones AS, Llywydd (Cadeirydd) Paul Davies AS Heledd Fychan Jane Hutt AS
Staff y Pwyllgor:	Lisa Griffiths (Clerc) Steffan Lewis (Dirprwy Glerc)
Eraill yn bresennol	David Rees MS, Y Dirprwy Lywydd Jane Dodds AS Manon Antoniazzi, Prif Weithredwr a Chlerc y Senedd Julian Luke, Cyfarwyddwr Busnes y Senedd Bethan Davies, Pennaeth Gwasanaeth y Siambr a Phwyllgorau Mark Wyn Jones, Pennaeth Gwasanaeth y Pwyllgorau Polisi a Deddfwriaeth Helen Carey, Llywodraeth Cymru

<AI1>

1 Cyflwyniadau, ymddiheuriadau a dirprwyon

Croesawodd y Llywydd yr Aelodau i’r cyfarfod. Ni chafwyd dim ymddiheuriadau.

</AI1>

<AI2>

2 Cofnodion y cyfarfod blaenorol

Cytunwyd ar gofnodion y cyfarfod blaenorol i’w cyhoeddi.

</AI2>

<AI3>

3 Trefn Busnes

</AI3>

<AI4>

3.1 Busnes yr wythnos hon

Dydd Mawrth

• Caiff y Cyfnod Pleidleisio ei gynnal fel yr eitem olaf o fusnes
• Nid yw'r Cyfarfod Llawn yn debygol o fynd y tu hwnt i 7.20pm.

Dydd Mercher

• Cynnig i ethol aelod i bwyllgor
• Caiff y Cyfnod Pleidleisio ei gynnal cyn y Ddadl Fer.  

• Nid yw'r Cyfarfod Llawn yn debygol o fynd y tu hwnt i 7.05pm.

</AI4>

<AI5>

3.2 Amserlen busnes y Llywodraeth ar gyfer y tair wythnos nesaf

Rhoddodd y Trefnydd wybod i’r Rheolwyr Busnes am y newidiadau canlynol i amserlen Busnes y Llywodraeth ar gyfer y tair wythnos nesaf:

Dydd Mawrth 14 Hydref 2025

· Cynnig Cydsyniad Deddfwriaethol: Y Bil Awdurdodau Cyhoeddus (Twyll, Gwallau ac Adennill) (15 munud) – gohiriwyd tan 21 Hydref

Dadl ar Ddatganiad: Mae'r Gyllideb Ddrafft Amlinellol 2026-27 (90 munud) wedi'i symud o ddiwedd y cyfarfod i'r eitem gyntaf ar ôl y Datganiad a Chyhoeddiad Busnes.

Dydd Mawrth 21 Hydref 2025

· Rheoliadau Safonau Marchnata Cig Dofednod Maes (Diwygio) (Cymru) 2025 (5 munud)

· Cynnig Cydsyniad Deddfwriaethol: Y Bil Awdurdodau Cyhoeddus (Twyll, Gwallau ac Adennill) (15 munud)

</AI5>

<AI6>

3.3 Amserlen busnes y Senedd ar gyfer y tair wythnos nesaf

Cytunodd y Rheolwyr Busnes ar y newidiadau canlynol i amserlen Busnes y Senedd ar gyfer y tair wythnos nesaf:

Dydd Mercher 22 Hydref 2025 –

• Dadl ar ddeiseb: P-06-1538 Diogelu gwasanaethau strôc llawn yn Ysbyty Bronglais; atal yr israddio i Drin a Throsglwyddo (30 munud)

Dydd Mercher 5 Tachwedd 2025 -

• Dadl ar Gynnig Deddfwriaethol gan Aelod (30 munud)
• Dadl ar yr adroddiad traws-bwyllgor ar adolygiad gweithredu’r Cytundeb Masnach a Chydweithredu rhwng y DU a’r UE (60 munud)
• Amser a neilltuwyd i Blaid Cymru (60 munud)
• Dadl Fer: Joel James AS (Canol De Cymru) (30 munud)

Cytunodd y Rheolwyr Busnes ar yr hyn a ganlyn mewn perthynas â’r ddadl ar yr adroddiad traws-bwyllgor ar adolygiad gweithredu’r Cytundeb Masnach a Chydweithredu rhwng y DU a’r UE:

• Cadeirydd y Pwyllgor Diwylliant, Cyfathrebu, y Gymraeg, Chwaraeon a Chysylltiadau Rhyngwladol (CCWLSIR) fydd yn agor y ddadl gyda sylwadau cyffredinol ar y dull cyfunol a'r themâu cyffredinol;
• Yna bydd cadeiryddion y pwyllgorau eraill (CCEI, ETRA a LJC) yn cael eu galw i gyfrannu yn ystod y ddadl ar eu hadrannau penodol o'r adroddiad (cyn y llefarwyr ond o fewn yr amseroedd cyfrannu arferol o 5 munud);
• Cadeirydd CCWLSIR fydd yn cloi'r ddadl.

</AI6>

<AI7>

3.4 Dadleuon Aelodau: Dewis Cynnig ar gyfer Dadl

Ystyriodd y Pwyllgor Busnes y cynigion posibl i’w trafod ar 15 Hydref 2025 a chytunodd i amserlennu’r ddadl Aelod ganlynol a gyflwynwyd gan Adam Price:

NNDM8884

Cynnig bod y Senedd:

1. Yn nodi bod enseffalomyelitis myalgig (ME) yn salwch cronig sy’n anablu ar bob lefel o ddifrifoldeb.
2. Yn nodi bod 25%, o’r rhai sy'n dioddef o ME, yn cael eu categoreiddio gan NICE fel ‘difrifol: yn bennaf yn gaeth i’r gwely neu’r tŷ’, a ‘difrifol iawn: gyfan gwbl gaeth i’r gwely’, sy'n gofyn am ofal llawn amser ac, yn yr achosion mwyaf difrifol, gofal lliniarol a bwydo drwy diwb.
3. Yn gresynu mai’r rhai sydd yn aml â'r lefelau uchaf o ddifrifoldeb ME sy'n cael y lleiaf o ofal a thriniaeth briodol.
4. Yn galw ar Lywodraeth Cymru i:
a) ymateb i'r pryderon a godir yn Adroddiad y Crwner yn Lloegr, Prevention of Future Deaths, ac esbonio pa gamau ymarferol y bydd yn eu cymryd i sicrhau na fydd unrhyw glaf yng Nghymru fyth yn cael ei roi mewn amgylchiadau mor drasig â'r rhai a ddisgrifir yn yr adroddiad;
b) sicrhau bod gwasanaethau ME a ariennir gan Adferiad yn gwneud darpariaeth sy’n briodol i anghenion cleifion sydd ag ME difrifol a difrifol iawn;
c) dwyn ynghyd grŵp arbenigol o weithwyr iechyd proffesiynol a phobl sydd â phrofiad byw, ar lefel genedlaethol, i ddatblygu canllawiau a safonau ansawdd Cymru Gyfan ar ME, gan gynnwys ar gyfer y rhai yr effeithir arnynt yn fwyaf difrifol;
d) gwneud penodi ymgynghorydd arbenigol Cymru gyfan ar gyfer cyflyrau cronig ôl-heintus - gan gynnwys ME a Covid hir - yn flaenoriaeth;
e) gwella'r hyfforddiant ar ME ar gyfer gweithwyr proffesiynol, yn gyntaf yn y GIG, ond hefyd mewn gwasanaethau cymdeithasol ac ysgolion: yn benodol, codi ymwybyddiaeth o anghenion gofal oedolion a phlant sydd ag ME difrifol a difrifol iawn; ac
f) sicrhau bod byrddau iechyd yn wirioneddol gyd-gynhyrchu eu gwasanaethau Adferiad ME a Covid hir, gan ystyried profiadau byw y rhai sy'n dioddef ar y lefelau mwyaf difrifol a'r rhai sy'n gofalu amdanynt.

Maeve Boothby O'Neill: Adroddiad Prevention of Future Deaths

</AI7>

<AI8>

4 Deddfwriaeth

</AI8>

<AI9>

4.1 Diweddariad ar Femoranda Cydsyniad Deddfwriaethol

Trafododd y Pwyllgor Busnes y wybodaeth ddiweddaraf gan y Trefnydd a chytunodd i wneud yr hyn a ganlyn:

• cyfeirio'r Memorandwm Cydsyniad Deddfwriaethol ar y Bil Swyddi Cyhoeddus (Atebolrwydd) at y Pwyllgor Deddfwriaeth, Cyfiawnder a'r Cyfansoddiad a’r Pwyllgor Cyfrifon Cyhoeddus a Gweinyddiaeth Gyhoeddus i graffu arno, gyda dyddiad cau i gyflwyno adroddiad ar 19 Rhagfyr 2025; a
• nodi bod y Memorandwm Atodol (Rhif 6) ar y Bil Iechyd Meddwl wedi'i osod ar 30 Medi 2025 ac wedi'i gyfeirio ymlaen llaw i graffu arno gyda dyddiad cau ar gyfer cyflwyno adroddiad ar 7 Hydref yn y cyfarfod blaenorol.

</AI9>

<AI10>

5 Pwyllgorau

</AI10>

<AI11>

5.1 Gwaith craffu’r pwyllgor ar Fil Senedd Cymru (Atebolrwydd Aelodau ac Etholiadau)

Bydd Bil Senedd Cymru (Atebolrwydd Aelodau ac Etholiadau) yn cael ei gyflwyno i'r Seneddddydd Llun 3 Tachwedd 2025.

Trafododd y Pwyllgor Busnes y mater a chytunodd ar yr hyn a ganlyn:

• cynnig sefydlu pwyllgor Bil annibynnol i weithredu fel y pwyllgor cyfrifol o dan Reol Sefydlog 26.9
• teitl a chylch gwaith arfathedig y pwyllgor;
• trefniadau ar gyfer cadeirio ac aelodaeth y pwyllgor, i gynnwys:

a) y byddai'r Dirprwy Lywydd yn cael ei benodi'n Gadeirydd,

b) ei fod yn cynnwys pedwar Aelod (2 o Llafur Cymru, 1 o’r Ceidwadwyr Cymreig ac 1 o Blaid Cymru), gan gynnwys y cadeirydd; a

c) datgymhwyso Rheol Sefydlog 17.2A – 17.2S mewn perthynas ag ethol cadeirydd;

• rhoi hyblygrwydd i’r pwyllgor gwrdd, o fewn amserlen y pwyllgorau.

Cytunodd y Rheolwyr Busnes hefyd i ymgynghori â'u grwpiau

• ynghylch a ddylid cynnig o dan Reol Sefydlog 26.17, ar yr amser priodol, y dylid cynnal trafodion Cyfnod 2 ar y Bil mewn Pwyllgor o'r Senedd Gyfan.

Cytunodd y Rheolwyr Busnes i ddychwelyd i'r Pwyllgor Busnes yr wythnos nesaf gydag enwau Aelodau ar gyfer y Pwyllgor.

</AI11>

<AI12>

5.2 Llythyr gan Gadeirydd y Pwyllgor Deisebau yn gwneud cais am ddadl

Cytunodd y Rheolwyr Busnes i drefnu dadl ar ddeiseb P-06-1538 Diogelu gwasanaethau strôc llawn yn Ysbyty Bronglais; atal yr israddio i Drin a Throsglwyddo ddydd Mercher 22 Hydref.

</AI12>

<AI13>

6 Unrhyw Fater Arall

Cododd y Llywydd y mater o reolau a chanllawiau ynghylch y cyfnod pleidleisio yn dilyn enghreifftiau diweddar o Aelodau'n pleidleisio o gerbydau neu wrth deithio.

Gwahoddodd y Llywydd y Rheolwyr Busnes i ystyried ymhellach yr opsiynau ynghylch egluro'r canllawiau a nododd y bydd y Pwyllgor Busnes yn dychwelyd at y mater hwn eto yn ei gyfarfod nesaf.

Cytunodd y Rheolwyr Busnes i newid aelodaeth y Pwyllgor Plant, Pobl Ifanc ac Addysg, gyda lle i'w ddyrannu i Aelod Annibynnol, yn lle Aelod o'r Ceidwadwyr Cymreig.

Cytunodd y Rheolwyr Busnes i gynnig y dylid ethol Russell George AS i fod yn aelod o’r Pwyllgor Plant, Pobl Ifanc ac Addysg (Joel James AS sydd ar y pwyllgor ar hyn o bryd) ac y bydd hyn yn cael ei ychwanegu at yr agenda ar gyfer dydd Mercher 8 Hydref.

</AI13>

<TRAILER_SECTION>

</TRAILER_SECTION>

<LAYOUT_SECTION>

1. FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2. FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1 FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2 FIELD_TITLE

</TITLE_ONLY_SUBNUMBER_LAYOUT_SECTION>